关智斌 係边个!! Kenny 新Look复出香港娱圈

发布时间:2020-06-18

呢几日碌Facebook,咁啱见到个有点熟悉又有点陌生嘅面孔,望真啲睇埋侧边啲字,原来係关智斌!边个係 关智斌 ?Kenny呀!Boy’z嗰个呢!最近,Kenny派上新歌《次要角色》,对上一次派新歌已经係8年前嘅事,唔知大家仲记唔记得佢把声呢?可能对于佢把声,相信大家都无咩深刻嘅印象。咁不如实际啲问大家,仲记唔记得佢咩样呢?

关智斌 係边个!! Kenny 新Look复出香港娱圈

关智斌 新Look似碧咸

今次新歌嘅宣传照见到,Kenny同我哋停留係N年前嘅形象好唔同,留鬚之余仲重新打造一个好man嘅形象。有人讚佢型咗man咗,另一边厢亦有人话「认唔出係佢」。对于Kenny新形象,嗰个髮型、嗰啲鬚、嗰个look,第一眼睇已经觉得好面善。绞尽脑汁之后发现,我见过!我真係见过!不过,有点距离⋯⋯

关智斌 係边个!! Kenny 新Look复出香港娱圈

关智斌 係边个!! Kenny 新Look复出香港娱圈
倒带初出道时,Kenny有种青涩嘅少男味。

首新歌《次要角色》主要係想讲人生去到30多岁,经历了很多事情,自己再不是初出茅庐横冲直撞的小伙子,是时候融会过去的经历,重新调整自己。无论係歌同佢个look,睇嚟Kenny希望塑造一个理想角色,向人生另一章出发。Kenny打算用三首歌,同大家分享自己的过去、现在和将来,而《次要角色》就係主述过去。

但对于Kenny嘅过去,Boy’z时代嘅歌先真正代表到!

关智斌 Kenny Kwan《次要角色》Lyrics MV

 

关智斌喺香港星途一直浮浮沈沈,8年前点解突然消失于乐坛,有报道指係因为公司无budget,至于突然再出新曲,竟然係因为拍剧期间有空档。

其实Kenny喺香港消失咗咁多年,原来係返咗大陆拍剧搵人仔。北上发展嘅关智斌,喺内地人气都唔差,微博有过百万粉丝,相比起Facebook Fan Page就只有2000几个likes。

关智斌 係边个!! Kenny 新Look复出香港娱圈关智斌 係边个!! Kenny 新Look复出香港娱圈关智斌 係边个!! Kenny 新Look复出香港娱圈

Kenny出新歌Fans非常兴奋,但大家更期待嘅係Boy’z推出合唱歌。虽然Boy’z在官方上仍未宣布解散,但自2012年后二人已经分道扬镳。Kenny就已转往大陆发展,而张致恆(Steven)就签咗TVB做旗下艺员。

关智斌 係边个!! Kenny 新Look复出香港娱圈
刚出道的Boy’z (Kenny & Steven)

Boy’z貌合神离,Steven有佢嘅生活,Kenny有佢嘅忙碌。要佢哋短时间内推出新合唱歌似乎机会渺茫。宜家就为大家经典回播,送上Boy’z同Twins合唱嘅《死性不改》畀大家怀愐下,顺便唤醒返Kenny之前个青靓白净嘅look同十年如一日嘅歌声。

上一篇: 下一篇:

相关搜索